رسمــ وقلاده

المجد له صُنَّاع تبنيه ورجال
الله بكيفه خصها للقياده

تاريخها يقوى على حمل لثقال
نظراتها صوب الشرف والسياده

تبذل على غاياتها النفس والمال
حتى يحقق كل واحد مراده

وحنا ملكنا المجد أقوال وافعال
بفضل قايد ضم شعبه وقاده

نحو إزدهار الوضع في كل لحوال
إلى التقدم والرخى والسعاده

الشيخ زايد مرتجى كل الامال
الله عطاه من المكارم وزاده

فريد عصره بالزعامه ولا زال
بفضل قوة حكمته واجتهاده

وموقف اخوانه مشايخ وعُقَّال
سجل له التاريخ وحدة بلاده

وحدة سما وقلوب ورمال وجبال
وحدة مصير النصر ولا الشهاده

خطوه طوت في عالم البعد أميال
واتجاوزت معنى وفن الرياده

وبدَّلت لحوال من حال لا حال
الأمن ساسه والعداله عماده

إعجاز يبقى للأمم مضرب امثال
وفوق صدر المجد رسم وقلاده

واذكر جوابه يوم قالوا له سؤال
تنفق على شعبك وتصرف زياده

قال إي نعم أصرف ومن غير مكيال
وبكل فخر واعتزاز وإراده

أنا أبوهم واعتبرهم لي عيال
قلبي لهم مسكن وصدري وساده

زايد صنع دوله عظيمه وابطال
بعزم مستثنى وصبر وجلاده

والحين قادتنا على نهجه أشبال
تسهر على أمن الوطن وامتداده

شيوخه اللي تشرح الصدر والبال
درعه ومصدر ملته واعتقاده

على قواعد ثابته فعل واقوال
تصون أمجاده وتحفظ وداده

لهم على الجودات والعز مدهال
والذوق والأخلاق سالف وعاده

واليوم نوقف للوطن وقفة اجلال
فرحه معه في يوم عيد إتحاده

ونعاهده نبقى وفا عبر لجيال
وعدته دايم وقوة عتاده

وسلامتكم

مـشششـكوور عـلـى ـآلـقــصيـــدة ..

مشكوريييييين ع المرور ونتنمنى جديدكم